simonshen
patreon
【國際關係深度評 🇬🇧】 英倫瑣談：「反社會行為」與 common sense
🕑 Added 2025-10-08 02:01:01 +0000 UTC在英國公眾地方，有一個名詞近年老是常出現：「反社會行為」（anti-social behavior）。本來這是社會科學概念，指一些有違社會規範的行為，例如醉酒鬧事、家暴、種族歧視、童黨等等。概念上，如果這些行為全部消失，相信不會有人認為這不是好事。
問題是「反社會行為」的定義，和絕大多數左翼概念一樣，都很難絕對一刀切，很多時候都要靠 common sense 判斷，否則很可能本末倒置、削足就履。這就是「左翼」和「左膠」的分別。
說這些，因為聽見一些有關案例，確實和我心目中的 common sense 有大段距離。
話說在英港人朋友某日在家，發現門外有一大批童黨叫囂，更有疑似打鬥或企擅闖民居的跡象。這類行為，在派對過後、或球賽散場後頗為普遍，起碼警察見怪不怪。朋友擔心童黨會闖入家中，於是走出門外驅趕，提醒他們放低聲浪，並宣示這是私人住宅。本來以為就此了結，想不到幾日後，有關部門真的有跟進，不過不是跟進童黨，而是有人投訴當日朋友嘗試驅趕童黨這個行為和用語，屬於「反社會行為」。
另一位朋友某日乘坐Uber，司機似是外來新移民，大家的英文口音都不是地道，有溝通障礙並不為奇。到步時，司機問了幾次具體位置是否停那裏，問了又問，朋友說「你已經問了好幾次了」。下車後，打開app一看，原來司機已經投訴乘客使用了「abusive language」，雖然只是公司app，但已經要一輪解畫。
這類故事聽過不少，相信不是個別例子，而是結構性的。
把「反社會行為」用法律框架處理，源自二十多年前工黨貝理雅政府的政策，這些年來一直充滿爭議，但也和其他左翼政策一樣，逐漸成為難以討論的禁忌。被指「縱容反社會行為」的後果可以很嚴重，就像任何關於種族歧視的指控都可以成為刑事罪行，哪怕「指控」可以很random，例如香港人說「鬼佬」、而令對方感到被冒犯，已經足夠。
無論原意多麼好，法律條文怎樣寫，其實根本不用引經據典，正常人也可以即時研判：以上案例是有違common sense的。如果長此下去，又會有甚麼後果？
（待續）
Comments
堅離地書院 College
係，而且積習難返
堅離地書院 College
根據平機會官方定義起碼係咁。而通常白人都唔會覺得鬼佬係冒犯。。。。。
堅離地書院 College
英國人傳統上比較 subtle，「差異」和「歧視」之間有好大空間，其實通常都只係前者，唔需要太對號入座
堅離地書院 College
美國獨立一份重要文獻就係 Thomas Paine Common Sense
堅離地書院 College
任何社會都有童黨，香港遇到童黨都會避開 😅
堅離地書院 College
性質又唔一樣，英國起碼可以上訴同通常可以保釋 😅
Kin Lim
例如香港人說「鬼佬」、而令對方感到被冒犯，已經足夠 應該唔會呢 因為白人投訴通常無人理😂
Kirishima
講真住左咁多年睇住越黎越走火入魔 其實 freedom of speech 係受到嚴重威脅，特別係近兩年以哈衝突/ 性別討論就更凸顯問題所在⋯ 識得有人響香港搬過黎話英國可以有言論自由，真係笑而不語⋯
Elaine Yip
過敏的年代, 對別人善意的批評或一些無心之失的用語也可以標籤為: 歧視, 冒犯 ... 隱憂真多呢~
Eric
英國的common sense 係什麼？ 英國有道德教育嗎？遇到童黨我會避開，在巴士和大街見得太多佢哋啲行為。
Gary Lee
諗起友人一次遭遇。佢一家幾口去 Cornwell 短遊，去到一個民居附近嘅景點，當佢地一家互相影相時，有位民居老婦走出黎望左幾秒後自告奮用話佢地一家影相。影完後友人滿滿覺得老婦非常 nice，佢老公忽然同佢講，個老婦即係話叫你地快快影完就好走啦。 其實好難單憑文字去形容事件，然後下判斷，尤其敘事者係當事人。語氣，聲調，面色，身體語言，環境，都可以令十個人對一句句子嘅 underlying meaning 演譯不同，莫講有人天生敏感。有次老婆係希斯路撞見舊同事，舊同事煞有介事問我地有冇遇過種族歧視。老老豆豆黎左幾年話冇遇見就呃人。但佢話佢黎左三日就被歧視過四次，我又覺得係唔係被逼害因子強人，只係老婆同果位舊同事唔熟聽下就算。不過如果閣下喜歡英式幽默，唔使下下講到明，咁 common sense 嘅範圍係可以好大。
?!?! ?!?!
童黨又係另一個社會問題 英國同澳洲對青少年犯罪嘅罰則實在太鬆，結果令到童黨有持無恐，仲要令到啲黑社會專搵童黨做打手，因為罰唔得重
堅離地書院 College
其實日本、台灣社會都有呢種特色
Joe
我諗起幾年其中一套black mirror 叫「急轉直下」。戲𥚃面D人互相評分，個個講嘢都要客客氣氣（甚至去到虛偽既程度）。一旦俾人覺得係「abusive」就好L麻煩。
George
Common sense is often merely solipsism dressed in self-righteousness and prejudice.
